رجعنا للعامية
لا أنا مش بخير ولا مش منيحة!
كيفني زفت !! الله وكيلك زفت!
هيدا اول جواب بيجي على رأسي بس حدا يسألني “كيفك”، كرمال هيك صرت اصفن بهالايام قبل ما جاوب! قبل كان في جواب تلقائي وسريع “منيحة الحمدالله كل شي من الله منيح”!
هو ما اتغير الجواب التلقائي لان الحالة كان فيها طلعات ونزلات!
بس هلق وصلت لمرحلة اسمها “ما بعد التحمل” أنا مش فاهمة اصلا الاسم! بس عجبني حطلها عنوان!
صرت اصفن مش بالجواب إذا بزت الجواب اعلاه متل ما هو بخلقة يلي عم بسأل كأن عم بنطق
(استفرغ) عليه مباشرة!
ببتسم ابتسامة سخيفة جدا إمرار بتبين أمرار وبقول
“الحمدلله منيحة وانت؟”
هلق الحمدلله اكتر الاسئلة عم بتكون على الواتساب!
فا كتير أحيان بنيم السؤال ايام! حتى اقدر طلع والإبتسامة السخيفة وجواب!
هلق تانجي نحكي! لا شو نحكي! أنا اصلا بحكي بالعموميات من الأساس في كتير أحيان بخترع حديث كوكبي حتى ما أنزل على أرض الواقع!
وكمان شو قال بكون عم طالع موجودات أحاسيسي يا عمي ما بتلامس اصلا أحاسيسي بتقمص بلحظات احاسيس يلي بوجي حتى يحس انو أنا حاسي فيه! او اقل شوي بس مش اكتر حتى ما يقول عم “علم عليه” او في وضع منافسة!
اكتر شي بضحكني بحالي
بس قول “ايه والله معك حق” بختصر حديث “صح” أنا اشطر حدا يضيع شنكاش الحديث وخلي يلي بوجي عم يحكي كلام من فضة وذهب سوا! واخر شي بقول “ما بعرف شو بدي جواب”
بكون براسي أعطيت كل الأجوبة بس لنفسي لان بتكون مخيفة إذا طلعت!
كرمال هيك إمرار بس فش خلقي بيطلع حكي “مسم” او “قاسي” هو ولا شي من يلي موجود بالأساس بدماغي!
اعذروني على حكي البج يلي بيطلع مني بس انا بكل ثانية بردع حالي من أنه احكي أو اجرح يلي بوجي! بس ما توصل مع حدا يستهبلني او يحسسني انو كل شي صاير معه بسببي أو يبرم على قصة حتى ما افهمها!
والانكى يحكي مع حدا حديث وينتبه ما يزعلوا ويجي لعندي يخبرني انو اخد “بحقي”!
يا حبيبي اوعا البويا ما بعمره حدا اخد بحقي أنا طول عمري عاملة رجال حالي وسند حالي وأنثى حالي وكل ما يتعلق بهذا المضمون!
ما حدا يجي يخبرني شو عاملة مين ما كان يكون عاملة لكل حدا أطنان يلي بتفكروا تعمله!
مش هون القصة!
المهم اذا سألتني كيفك ؟
أنا بأحلى أحوالي وبعين كل حسود! وما حدا يسألني كيف وليه وليه هلق جيتي لان أنا مش رايقة اصلا لحالي!
بعدني عم فكر كيف فجر الوضع للمرة التانية بس هالمرة مع اضرار كتير لحواليه ومش راح يهمني الا انا اطلع بخير وسلامة !
Leave a Reply