مناجاة: يا رب

بتعرف اديش الزمن القاسي؟
بتعرف العمر كيف ركض بسرعة؟
بتعرف انو نطرت كتير لحظات وما وصلت؟
ما بعرف إذا هيدي اللحظات مكتوبة
بس رسمتها بعقلي وكانت مهضومة
رسمت عمر من الزمن
لليوم ما عرفت إذا من الأمكن
يصير هيدا الحلم حقيقة
وافرح وطير من فرحة العميقة
ما بعرف إذا راح تجي هيدي اللحظة يلي من صرلي من العمر عمر بنتظر
بس الاحلى انو النطرة ما ملت مني
ولا أنا مليت من النطرة
لا خاب ظني فيها
ولا هي خاب ظنها في
بس بتعرف اديش الزمن قاسي
اديش مر من العمر؟
العمر بغمضة عين
صرنا فوق الاربعين ويا عين
ناطرنا الثلاثين قلنا بركي غير
ونسينا نعيش اليوم حتى صار من مبارح ومن الزمن الغابر

اليوم منتذكر ومنقول ايام
ايام قطعت وفعلا ما حسينا بالزمان
بس يا رب أملنا فيك كبير
بلحظة تغيير وحتى اللحظة تصير ويجي وراها ايام كتير من الفرحة ما هدي وضلني طير
مش طالبة الكتير
شوية اطمئنان لهالقلب والله بصير
بقدرتك يا ربي تخلي حياتي أحلى بكتير
قطع فيها اشيا كتير حلوة
واكيد حزنت إمرار كتير
بس وجودك حدي ما خلني أياس بالعكس خليني احلم لان على يقين انو راح تجي هيدي اللحظة
ويلي بدو يصير صير

خبرتك يا ربي أمور كتير
منهم حكيتهم ومنهم خبي بقلبي كتير
بتعرف يا ربي
انو لغيرك ما بحكي
يمكن بعبر الك بتصرفاتي إمرار
والقلب بحكيك كل شئ كتير إمرار
أنت بتعرف بقلبي وعقلي
وانت خلقتني
وحاطيت حبي الك بقلبي
فيا ربي أنا بحاجة الك
اليوم ومبارح واكيد هلق وبكرا كمان
بكل لحظة بقول يا الله
فيا ربي لمين بدي احكي
في مين بيشمت ومين بيحسد ومين ما بحب الخير
لمين بدي احكي في مين ما بيسمع في مين ما ينصت وفي مين ما بخليلك مجال حتى تحكي
لمين بدي خبر اخباري؟
لاي حدا ما بيرحم؟ او يحكم علي؟ بالدنيا القاسية
فيا ربي لمين بدي احكي لغيرك؟ وانت بتعرف ما في القلوب
والنية الصافية
يا رب انت القادر على كل شي
طمنيلي قلبي
بقلبي في حبك الكبير
والثقة الدائمة فيا ربي
بتعرف اديش الزمن القاسي؟
بس رحمتك وسعت كل شئ
فا رحمني برحمتك يا ربي