شو يعني تعب؟

الانسان بيوصل لمرحلة التعب يتأكله وهيدا اخطر شي
لان المقاومة هون بتكون مع الاسف ماتت او على اخر مراحلها
مش منعتها انو الانسان استسلم لا بالعكس هو من الداخل بعدو عم بحاول بش تعب!
التعب اكله التعب استهلكه التعب وقف وخلص!
مش خلص حتى يبلش يشفى من التعب ويطلع منه
لا بالعكس تماما!
خلص التعب لان ما عاد يعرف شو المرحلة من بعد انتهاء التعب!
اكتر شي بخوف بهيدي المرحلة هو المرض! ايه المرض
بقلك الدكتور سترس منضحك عليه! ما في شي غير سترس!
ايه توتر سترس تاكول بحالك تسكت ما تعبر تضغط حالك وتقول بس هالسنة هالكم يوم هالكم ساعة وبرتاح! وفجأة بتقول ليه السنين عم تركض
نفس الشي كل سنة
بيجي كانون الاول ديسمبر من السنة من تذكر انها خلصت!
٣٦٥ يوم اكيد عملنا قصص واكيد ويمكن لا!
بس كم يوم ارتاحنا فيهم؟ كم يوم عشنا اليوم متل ما هو؟ كم يوم ما فكرنا باخر السنة يلي وصلنا الها؟؟ كم يوم ما عصبنا ما توترنا ما عملنا سترس؟
هلق خايفين نمرض، ليه؟ لان التعب خلص ما في شي من بعد هيدي المرحلة!
شو بدنا ناحمول اكتر من هيك؟
نبكي نفس بكاء ايام زمان ياريت والله ياريت في فحش بالبكي على القليلة برتاح بطلع السترس والسلبية يلي مخبايا جوا ورافضة تطلع!
هلق صرنا انجق ندمع!
انا كنت ابكي ع فيلم على اغنية على موقف، هلق الحمد لله بعدني بدمع! نعمة هيدي!
كانو يضحكو علي بهيك موقف! هلق بتتمنر ابكي متل قبل على مشهد الاخير بالفيلم!
انا الرسوم المتحركة كانت تأثر في!
بس كمان التعب اكلها وشرب الدموع!
صرت لازم تحوط قناع وتمشي! حتى اذا مرضت راسك وجعك! بدل ما تنام بتاخود ظرف وبتروح على الشغل لان حتى الاخ ممنوعة!
احيانا بتروكب بالحكي بتطلع منك كلمة غلط على قد ما راسك محشك ومحشي قصص الناس بتتمنر وتتمحسخر ولا بتفهم حتى نبرةصوتك!
اصعب شي تعيش بمكان ما بتنتمي له بس لازم لان ما في خيارات متاحة متل قبل! اصعب شي لما فعليا تبلش تحس بعمرك وانك كبرت! هون بيوقف فيك الزمن وبتحس انو صار لازم ترتاح! تاعمول restart او حتى reset مع انو reset صعبة خليك على الاولى من هون بتبلش صح!
ما تستسلم للتعب لان بيقتلك بالاخير!
استسلم للراحة واعطيها حقها! ما تفكر ببكرا لان كله بعلم الله, يمكن تكون عم ترسم شي وتكون عم بتفش ع ريشي مصر انو هي الصح وتعصب لان مش عم بتلاقيها تطلع الريشة يلي الله مختارها لك احلى والوانها احلى!
اذا ما آمنت بهيدا الشي راح تتعب كمان وكتير!
تركها ع الله!
انا من هلق لاخر السنة ما بدي فكر! بدي عيش الايام متل ما هي! زهقت خطط واكتب وسجل! ما وصلت الا للتعب و السترس! يمكن طرقات ما كانت كلها صح! بس هلق ما في غيرها! بس في ارتاح شوي ريح مخي كتير! واترك حياتي لربي وخططه لان اكيد احلى من خططي بكتير!
خود قاعدة الحياة من ايمان بالله! حياة فارغة وتافهة وراح ضلك ناطر المصاري تجي لعندك حتى تبلش من الجديد! هون ايمانك بالمصاري! فكر بالموضوع بدل المرة كتير!
وبدل الايمان حتى يكون بالمكان الصحيح!